Jodii - விதிமுறைகள் மற்றும் நிபந்தனைகள்

தகவல் தொழில்நுட்பச் சட்டம், 2000-இன் பிரிவு 2(1)(w)-ன் படி வரையறுக்கப்பட்டுள்ள "இடைநிலை சேவை வழங்குநர்" (Intermediary) ஆக Jodii செயல்படுகிறது என்பதை நீங்கள் புரிந்துகொண்டு ஏற்றுக்கொள்கிறீர்கள். Jodii என்பது Matrimony.com Limited நிறுவனத்திற்குச் சொந்தமான ஒரு பிராண்டாகும். Jodii இணையதளம், செயலி மற்றும் சேவைகள் தொடர்பான அனைத்து உரிமைகளும் Matrimony.com Limited நிறுவனத்துக்கே சொந்தமானவை.

Jodii, பயனர்கள் தாங்களாகவே பதிவு செய்து, தங்களுக்கு பொருத்தமான வாழ்க்கைத் துணையைத் தேடுவதற்கான ஒரு தளமாக செயல்படுகிறது. பயனர்கள் கட்டாய மற்றும் விருப்ப விவரங்களை பதிவு செய்து, ஏற்கனவே பதிவு செய்துள்ள உறுப்பினர்களின் ப்ரொபைல்களை தேடலாம். பயனர்களின் வசதிக்காக, ப்ரொபைல்கள் மொழி மற்றும் பகுதி அடிப்படையில் வகைப்படுத்தப்படுகின்றன. உங்கள் விருப்பத் தேர்வுகளின் அடிப்படையில், Jodii தரவுத்தளத்தில் உள்ள ப்ரொபைல்களை தேடவும், விருப்பமான ப்ரொபைல்களை தேர்வு செய்யவும், இலவச அல்லது கட்டண அணுகல் வழங்கப்படும்.

A) Jodii உறுப்பினர் சேவை கீழ்க்கண்டவர்களுக்கு மட்டுமே வழங்கப்படும்:

I. இந்திய குடிமக்கள்

II. இந்திய வம்சாவளியினர் (PIO)

III. வெளிநாட்டு இந்தியர்கள் (NRI)

IV. இந்திய பாரம்பரியம் கொண்டவர்கள்

B) Jodii உறுப்பினராக பதிவு செய்யும் போது, நீங்கள் பின்வருவனவற்றை உறுதிப்படுத்துகிறீர்கள்:

I. நீங்கள் பெண்ணாக இருந்தால் குறைந்தது 18 வயதையும், ஆணாக இருந்தால் குறைந்தது 21 வயதையும் நிறைவு செய்திருக்க வேண்டும்.

II. விவாகரத்துக்காக விண்ணப்பித்திருந்தால், "விவாகரத்துக்காக காத்திருக்கிறேன்" (Awaiting Divorce) என்ற நிலையை குறிப்பிடலாம்.

III. இந்தியாவைத் தவிர வேறு நாட்டில் வசிப்பவராக இருந்தால், அந்த நாட்டின் சட்டப்படி திருமணம் செய்ய தகுதி பெற்றவராக இருக்க வேண்டும். மேலும் இந்திய வம்சாவளியினரை திருமணம் செய்யும் போது இந்திய சட்டங்களையும் பின்பற்ற வேண்டும்.

C) நீங்கள் மணமகன் அல்லது மணமகள் சார்பாக ப்ரொபைல் உருவாக்கிய பதிவாளராக இருந்தால், அவர்களின் சம்மதத்துடன் ப்ரொபைல் உருவாக்கியுள்ளீர்கள் என்றும், Jodii இணையதளம் அல்லது செயலியை அவர்களின் சார்பில் பயன்படுத்துவதற்கு அனுமதி பெற்றுள்ளீர்கள் என்றும் கருதப்படும்.

A. Jodii-யில் பதிவு செய்யும் போது, உண்மையான, துல்லியமான, தற்போதைய மற்றும் முழுமையான தகவல்களை வழங்க வேண்டும் என்று எதிர்பார்க்கப்படுகிறது. மேலும் சமீபத்திய புகைப்படங்களையும் பதிவேற்ற வேண்டும். விவரங்களை பதிவு செய்வதற்கு முன், ஒவ்வொரு புலத்தையும் கவனமாக படித்து சரியான இடத்தில் மட்டுமே தகவல்களை வழங்க வேண்டும். பின்வருவன அனுமதிக்கப்படாது:

i. தவறான புலங்களில் தகவல் பதிவு செய்தல்

ii. பிற இணையதளம் அல்லது செயலிகளின் ID-களை குறிப்பிடுதல்

iii. ஏற்கனவே வழங்கிய தகவல்களை மீண்டும் மீண்டும் பதிவு செய்தல்

iv. பிறரின் புகைப்படங்களை பயன்படுத்துதல்

உங்களுக்கு சிறந்த சேவையை வழங்குவதற்காக, Jodii கூடுதல் தகவல்களை கோரலாம். அவற்றை வழங்க நீங்கள் ஒப்புக்கொள்கிறீர்கள். மேலும், எங்கள் விளம்பர பதிவு பிரச்சாரங்களில் உங்கள் மின்னஞ்சல் முகவரி அல்லது மொபைல் எண்ணை வழங்கினால், வாடிக்கையாளர் சேவை மையத்திலிருந்து உங்களை தொடர்புகொண்டு பதிவு செய்ய உதவலாம்.

B. நீங்கள் வழங்கிய தகவல்கள் அல்லது புகைப்படங்கள் தவறானவை, முழுமையற்றவை அல்லது பொய்யானவை என Jodii அறிந்தால் அல்லது நம்புவதற்கான காரணம் இருந்தால்:

i. உங்கள் உறுப்பினர் பதிவு முன் அறிவிப்பின்றி இடைநிறுத்தப்படலாம் அல்லது நீக்கப்படலாம்.

ii. செலுத்திய உறுப்பினர் கட்டணம் பறிமுதல் செய்யப்படலாம்.

iii. எதிர்காலத்தில் Jodii சேவைகள் வழங்கப்படாமல் இருக்கலாம்.

C. தொடர்பு விவரங்கள் அல்லது இணைப்புகள் தொடர்பில்லாத புலங்களில் பதிவுசெய்யப்பட்டாலோ, அல்லது ப்ரொபைல்லில் தரவு பிழைகள் இருந்தாலோ, உங்கள் ப்ரொபைல் பதிவை தடுக்க Jodiiக்கு உரிமை உண்டு.

D. ஒரே நபருக்கான பல ப்ரொபைல்கள் உருவாக்க அனுமதி இல்லை. இத்தகைய நகல் ப்ரொபைல்கள் முன் அறிவிப்பின்றி இடைநிறுத்தப்படலாம் அல்லது நீக்கப்படலாம்.

E. Jodiiயைப் பயன்படுத்துவது திருமண நோக்கத்திற்காக மட்டுமே இருக்க வேண்டும். நிறுவனங்கள், வணிக அமைப்புகள் அல்லது போட்டி சேவைகளை வழங்கும் நபர்கள் உறுப்பினராக பதிவு செய்ய முடியாது. வணிக நோக்கத்திற்காக உறுப்பினர் தரவுகளை பயன்படுத்துவதும் தடைசெய்யப்பட்டுள்ளது.

உங்கள் Jodii கணக்கின் உள்நுழைவு விவரங்களான பயனர் ஐடி, கடவுச்சொல், OTP போன்றவற்றின் ரகசியத்தன்மையை பாதுகாப்பது உங்கள் பொறுப்பாகும். உங்கள் கணக்கை மற்றவர்கள் அனுமதியின்றி அணுகாத வகையில், உங்கள் மொபைல் அல்லது கணினியின் பாதுகாப்பையும் உறுதி செய்ய வேண்டும். Jodii அல்லது Matrimony.com நிறுவன ஊழியர்கள் உங்கள் கடவுச்சொல்லை ஒருபோதும் கேட்கமாட்டார்கள். எனவே, உங்கள் கடவுச்சொல்லை யாரிடமும் பகிரக்கூடாது. உங்கள் கணக்கின் மூலம் நடைபெறும் அனைத்து செயல்பாடுகளுக்கும் நீங்கள் முழுப் பொறுப்பேற்கிறீர்கள்.

A. நீங்கள் பதிவு செய்த தகவல்கள், நீங்கள் வழங்கியபடியே ("As Is") Jodii இணையதளம் மற்றும் செயலியில் வெளியிடப்படும். அவை Matrimony.com நிறுவனத்தின் பிற தளங்களில் உள்ள உறுப்பினர்களுடனும் பகிரப்படலாம்.

B. Jodiiயின் பொறுப்பு, உறுப்பினர்கள் தாங்களாகவே பொருத்தமான வரன்களை தேடிக்கொள்ள ஒரு தளத்தை வழங்குவதற்கே வரையறுக்கப்பட்டுள்ளது.

C. உங்களுக்கு காட்டப்படும் வரன்கள் மற்றும் தேடல் முடிவுகள், நீங்கள் அமைத்துள்ள வாழ்க்கைத் துணை விருப்பங்களின் அடிப்படையில் தானாக உருவாக்கப்படுகின்றன. உங்கள் விருப்பங்களை மாற்றினால், காட்டப்படும் வரன்களும் அதற்கேற்ப மாறலாம்.

D. பெண்களின் தனியுரிமை மற்றும் பாதுகாப்பை மேம்படுத்த "Secure Connect" என்ற சிறப்பு வசதியை Jodii வழங்குகிறது. இதன் மூலம், பெண்கள் தங்களது மொபைல் எண்ணை பகிராமல், கட்டண உறுப்பினர்களான ஆண்களிடமிருந்து அழைப்புகளை பெற முடியும்.

E. Jodii சேவையின் மூலம் கிடைக்கும் தகவல்களை பயன்படுத்தி குறிப்பிட்ட முடிவுகள் கிடைக்கும் என்று Jodii உத்தரவாதம் வழங்காது.

F. பயனர்களின் முக்கியமான தகவல்களை பாதுகாக்க, பாதுகாப்பு தரநிலைகள், அங்கீகார முறைகள், அணுகல் கட்டுப்பாடுகள் மற்றும் குறியாக்க (Encryption) தொழில்நுட்பங்கள் பயன்படுத்தப்படுகின்றன.

G. இணையத்தின் மூலம் தகவல் பரிமாற்றம் நடைபெறும் போது, மூன்றாம் தரப்பினரால் ஏற்படும் குறுக்கீடுகள் அல்லது தகவல் மாற்றங்களை முழுமையாக தடுக்க முடியும் என்று Jodii உத்தரவாதம் வழங்காது.

H. Jodii எந்த உறுப்பினரின் தகவல்களையும் தனியாக சரிபார்த்து அங்கீகரிப்பதில்லை. எனவே, பிற உறுப்பினர்கள் வழங்கும் தகவல்களை நீங்கள் சுயமாக சரிபார்க்க வேண்டும்.

A. ப்ரொபைல் உருவாக்கும் போது, பெரிய மற்றும் சிறிய எழுத்துக்கள், எண்கள் ஆகியவற்றின் கலவையுடன் வலுவான கடவுச்சொல்லை உருவாக்க வேண்டும்.

B. Jodii சேவைகளை பயன்படுத்த தேவையான தகவல்கள் கோரப்படும் போது அவற்றை வழங்க வேண்டும்.

C. ஒரு வரனை தேர்வு செய்வதற்கு முன், அவரின்:

i. திருமண நிலை

ii. கல்வித் தகுதி

iii. பொருளாதார நிலை

iv. தொழில்

v. குணநலன்

vi. உடல்நிலை

போன்ற விவரங்களை நீங்களே சரிபார்த்து உறுதி செய்து கொள்ள வேண்டும்.

D. வீடியோ அழைப்புகளின் போது மற்ற உறுப்பினர்கள் வழங்கும் தகவல்கள் அல்லது அவர்களின் நடத்தைக்காக Jodii பொறுப்பேற்காது.

E. சிறந்த வரன்கள் கிடைக்க, 3 மாதங்களுக்கு மேல் பழையதாக இல்லாத சமீபத்திய புகைப்படங்களை பதிவேற்ற வேண்டும். பின்வருவன விதிமுறை மீறலாக கருதப்படும்:

i. பழைய புகைப்படங்கள்

ii. பிறரின் புகைப்படங்கள்

iii. AI மூலம் உருவாக்கப்பட்ட புகைப்படங்கள்

iv. தவறான தகவல்கள்

F. உறுப்பினர்கள் தங்கள் உடல்நிலை தொடர்பான முக்கிய தகவல்களை பதிவு செய்ய வேண்டும். முன்பிருந்த நோய்கள் அல்லது உடல் குறைபாடுகளை மறைப்பது விதிமுறை மீறலாக கருதப்படும்.

G. உறுப்பினர்கள் பின்வரும் செயல்களில் ஈடுபடக்கூடாது:

i. வரன்களுடன் பணப் பரிவர்த்தனைகளில் ஈடுபடுதல்

ii. பண உதவி கேட்பது அல்லது வழங்குவது

iii. ஆபாசமான அல்லது அவமதிக்கும் மொழி பயன்படுத்துதல்

iv. சாதி, இனம் அல்லது பிற அடிப்படையில் பாகுபாடு காட்டுதல்

v. வங்கி விவரங்கள் போன்ற ரகசிய தகவல்களை பகிர்தல்

vi. திருமணத்திற்கு முன் உடலுறவில் ஈடுபடுதல்

vii. சட்டவிரோத செயல்களில் ஈடுபடுதல்

viii. தனிப்பட்ட மெசேஜ்களில் பிற திருமண தளங்களின் விவரங்களை பகிர்தல்

H. பின்வரும் அறிகுறிகள் இருந்தால் எச்சரிக்கையாக இருக்க வேண்டும்:

i. பணம் கேட்பது

ii. உதவி கோருவது

iii. பல மொபைல் எண்களில் இருந்து தொடர்பு கொள்வது

iv. நேரில் அல்லது வீடியோ அழைப்பில் சந்திக்க மறுப்பது

v. குடும்ப உறுப்பினர்களை அறிமுகப்படுத்தாமல் இருப்பது

I. ஜாதகம் பார்ப்பது, தனியுரிமை அமைப்புகளை மாற்றுவது, சமூக வலைதள ப்ரொபைல்களை பார்ப்பது போன்ற வசதிகளை பயன்படுத்தும் போது, அதற்கான விதிமுறைகளையும் பின்பற்ற வேண்டும்.

J. ப்ரொபைல்லில் உள்ள தகவல்கள் மாறினால் அவற்றை உடனடியாக புதுப்பிக்க வேண்டும். இல்லையெனில் உறுப்பினர் பதிவு இடைநிறுத்தப்படலாம்.

K. திருமணம் உறுதி செய்யப்பட்ட பிறகு, உறுப்பினர்கள் தங்களது ப்ரொபைல்லை நீக்க வேண்டும் அல்லது Jodiiக்கு தெரிவிக்க வேண்டும்.

L. பாதுகாப்பான சாதனங்கள், மென்பொருட்கள் மற்றும் நெட்வொர்க்குகளை பயன்படுத்தி மட்டுமே Jodii சேவைகளை அணுக வேண்டும்.

M. Bot, Chatbot அல்லது வேறு எந்த தானியங்கி கருவிகளையும் பயன்படுத்தி Jodiiயை அணுகக்கூடாது.

N. Jodii இணையதளம் அல்லது செயலியின் பாதுகாப்பு அமைப்புகளை சோதிக்கவோ, உடைக்க முயற்சிக்கவோ கூடாது.

O. Jodii அல்லது Matrimony.com ஊழியர்களின் தனிப்பட்ட வங்கி கணக்குகளுக்கு பணம் செலுத்தக்கூடாது. அனைத்து கட்டணங்களும் அதிகாரப்பூர்வ கணக்குகளுக்கு மட்டுமே செலுத்தப்பட வேண்டும்.

P. புகார்கள் அல்லது குறைகளை முதலில் Matrimony.com நிறுவனத்திடம் தெரிவிக்க வேண்டும். சமூக வலைதளங்களில் புகார் பதிவிடுவதை தவிர்க்க வேண்டும்.

எங்கள் சேவைகள் தொடர்பாக ஏதேனும் சந்தேகம், புகார் அல்லது உதவி தேவைப்பட்டால், பின்வரும் வழிகளில் தொடர்பு கொள்ளலாம்:

மின்னஞ்சல்: support@jodii.com

தொலைபேசி: +91 9150068301

முகவரி: Matrimony.com Limited, No.94, TVH Beliciaa Towers, Tower-2, 5வது மாடி, MRC Nagar, சென்னை, தமிழ்நாடு – 600028

A. Jodii, Matrimony.com மற்றும் அதன் கூட்டாளர்கள் மின்னஞ்சல், SMS, தொலைபேசி அழைப்பு, WhatsApp உள்ளிட்ட வழிகளின் மூலம் சேவை தொடர்பான மற்றும் விளம்பர தொடர்பான தகவல்களை அனுப்புவதற்கு நீங்கள் சம்மதிக்கிறீர்கள்.

B. Jodiiயின் தானியங்கி அமைப்பு, பொருத்தமான வரன்களின் ப்ரொபைல்களை படம், ஆவணம், இணைப்பு அல்லது செய்தி வடிவில் அனுப்பலாம்.

C. Jodii-யில் இருந்து தகவல்களை எவ்வளவு அடிக்கடி பெற வேண்டும் என்பதை நீங்கள் தேர்வு செய்யலாம். உதாரணமாக:

i. வார இறுதிகளில் மட்டும்

ii. இரண்டு வாரங்களுக்கு ஒருமுறை

iii. அல்லது அழைப்புகளை பெற விரும்பவில்லை என அமைத்துக்கொள்ளலாம்

Jodiiக்கு நீங்கள் வழங்கும் கருத்துகள் அல்லது கருத்துப் பகிர்வுகள் ரகசியமானதாக கருதப்படமாட்டாது. அவற்றை Jodii எந்த கட்டுப்பாடும் இன்றி பயன்படுத்தும் உரிமை கொண்டுள்ளது. மேலும்:

i. நீங்கள் வழங்கும் கருத்துகளில் மூன்றாம் தரப்பினரின் ரகசிய தகவல்கள் இருக்கக்கூடாது.

ii. அவற்றிற்காக நீங்கள் எந்தவித இழப்பீடும் கோர முடியாது.

Jodiiயைப் பயன்படுத்தும் போது நீங்கள் வழங்கும் தனிப்பட்ட தகவல்கள், தனியுரிமைக் கொள்கை மற்றும் பொருந்தும் சட்டங்களின் அடிப்படையில் ரகசியமாக கையாளப்படும். சேவைகளை வழங்கவும், சரிபார்ப்புகளுக்காகவும், குறியாக்கம் செய்யப்பட்ட வடிவில் உங்கள் தகவல்களை சேகரிக்கவும், செயலாக்கவும் Matrimony.com மற்றும் அதன் சேவை வழங்குநர்களுக்கு நீங்கள் வெளிப்படையான அனுமதி அளிக்கிறீர்கள். உங்கள் தகவல்கள் பயன்படுத்தப்படுவதை நீங்கள் ஏற்கவில்லை என்றால், Jodiiயைப் பயன்படுத்த வேண்டாம்.

போலி ப்ரொபைல்கள், ஆள்மாறாட்டம், பதிப்புரிமை மீறல், ஆபாச உள்ளடக்கம் அல்லது பிற விதிமுறை மீறல்களை நீங்கள் கண்டால், கீழ்க்கண்ட அதிகாரியை தொடர்பு கொள்ளலாம்:

மின்னஞ்சல்: grievanceofficer@matrimony.com

குறைதீர் அலுவலர்: திரு. அஜீத் டாஸ்

முகவரி: Matrimony.com Limited, No.94, TVH Beliciaa Towers, Tower-2, 5வது மாடி, MRC Nagar, சென்னை, தமிழ்நாடு – 600028

பணிநேரம்: திங்கள் முதல் சனி வரை காலை 10 மணி முதல் மாலை 6 மணி வரை.

A. Jodii உறுப்பினர்கள் மற்றும் வரன்களுக்கிடையே நடைபெறும் அனைத்து தொடர்புகளுக்கும் (மின்னஞ்சல், அரட்டை, WhatsApp, தொலைபேசி அழைப்பு அல்லது பிற வழிகள்) அந்தந்த உறுப்பினர்களே முழுப் பொறுப்பு ஆவர். உறுப்பினர்களுக்கிடையே நடைபெறும்:

i. பணப் பரிவர்த்தனைகள்

ii. தகவல் பரிமாற்றங்கள்

iii. தனிப்பட்ட தொடர்புகள்

iv. ஒப்பந்தங்கள்

போன்றவற்றுக்கு Jodii எந்த பொறுப்பும் ஏற்காது.

B. உறுப்பினர்களுக்கிடையே உருவாகும் எந்தவொரு தகராறு, வழக்கு அல்லது கருத்து வேறுபாடுகளிலும் Jodii தலையிட வேண்டிய கட்டாயம் இல்லை.

C. Jodii எந்த உறுப்பினரின் முகவராகவோ, தரகராகவோ செயல்படுவதில்லை. உறுப்பினர்கள் மற்றும் வரன்களுக்கிடையிலான பேச்சுவார்த்தைகள் அல்லது அதன் விளைவுகளிலும் Jodii பங்கேற்காது.

A. Jodii இணையதளம் மற்றும் செயலியில் உள்ள அனைத்து உள்ளடக்கங்களும் Matrimony.com நிறுவனத்திற்கு சொந்தமானவை. ஆனால் உறுப்பினர்கள் அல்லது மூன்றாம் தரப்பினர் வழங்கும் உள்ளடக்கங்களுக்கு அந்தந்த நபர்களே பொறுப்பு.

B. உங்கள் ப்ரொபைல்லில் நீங்கள் பதிவு செய்யும்:

i. தகவல்கள்

ii. புகைப்படங்கள்

iii. விவரங்கள்

iv. செய்திகள்

v. பிற உறுப்பினர்களுக்கு அனுப்பும் தனிப்பட்ட தகவல்கள்

அனைத்திற்கும் நீங்கள் மட்டுமே முழுப் பொறுப்பேற்கிறீர்கள்.

C. நீங்கள் பதிவேற்றும் உள்ளடக்கங்களுக்கு தேவையான அனைத்து உரிமைகள், அனுமதிகள் மற்றும் ஒப்புதல்கள் உங்களிடம் இருப்பதை உறுதிப்படுத்துகிறீர்கள்.

D. நீங்கள் பதிவேற்றும் தகவல்களை:

i. சேமிக்க

ii. பயன்படுத்த

iii. வெளியிட

iv. பகிர

v. மாற்ற

vi. Jodii மற்றும் Matrimony.com நிறுவனத்தின் பிற தளங்களில் காட்ட

Jodiiக்கு உலகளாவிய, கட்டணமற்ற, மாற்ற முடியாத உரிமத்தை வழங்குகிறீர்கள்.

E. உங்கள் உள்ளடக்கம் இந்த விதிமுறைகளுக்கு முரணாக இருப்பதாக கண்டறியப்பட்டால், Jodii:

i. அந்த உள்ளடக்கத்தை நீக்கலாம்

ii. உங்கள் ப்ரொபைல்லை இடைநிறுத்தலாம்

iii. உறுப்பினர் பதிவை ரத்து செய்யலாம்

இதற்காக ஏற்கனவே செலுத்திய கட்டணங்கள் திருப்பி வழங்கப்படமாட்டாது.

F. Jodiiயின் பதிப்புரிமை அல்லது பிற அறிவுசார் சொத்து உரிமைகளை மீறுபவர்களுக்கு எதிராக, பொருந்தும் சட்டங்களின் கீழ் நடவடிக்கை எடுக்கப்படும்.

A. Jodii இணையதளம் அல்லது செயலியில் மூன்றாம் தரப்பினரின் விளம்பரங்கள் காட்டப்படலாம். அத்தகைய இணையதளங்கள் மற்றும் சேவைகள்:

i. Jodiiயின் கட்டுப்பாட்டில் இல்லை

ii. தனித்தனி விதிமுறைகள் மற்றும் தனியுரிமைக் கொள்கைகளின் கீழ் செயல்படுகின்றன

அவற்றைப் பயன்படுத்துவது முழுமையாக உங்கள் சொந்த பொறுப்பாகும்.

B. ஜாதக பொருத்தம் போன்ற சில சேவைகளை மூன்றாம் தரப்பினர் வழங்கலாம். அத்தகைய சேவைகளுக்கான கட்டணங்களை Jodii வசூலிக்கலாம் மற்றும் வருவாய் பகிர்வு ஒப்பந்தங்கள் இருக்கலாம். ஆனால், அந்த சேவைகளின் தரம் அல்லது விளைவுகளுக்கு Jodii பொறுப்பாகாது.

C. Jodii எந்த நேரத்திலும்:

i. புதிய சேவைகளை சேர்க்கலாம்

ii. மாற்றலாம்

iii. இடைநிறுத்தலாம்

iv. நீக்கலாம்

இதற்காக முன் அறிவிப்பு வழங்கப்படாது.

A. Jodii, Matrimony.com நிறுவனம் அல்லது அதன் நிர்வாகிகள் எந்த சூழ்நிலையிலும்:

i. நேரடி

ii. மறைமுக

iii. தற்செயலான

iv. சிறப்பு

v. தொடர்ச்சியான

இழப்புகளுக்கு பொறுப்பாக இருக்கமாட்டார்கள்.

B. Jodii மூலம் ப்ரொபைல்கள் பகிரப்படுவது, திருமண பரிந்துரை அல்லது உத்தரவாதமாக கருதப்படக்கூடாது.

C. எந்தவொரு காரணத்திற்காகவும் Jodii மீது பொறுப்பு ஏற்படும் பட்சத்தில், அந்த பொறுப்பு நீங்கள் செலுத்திய குறிப்பிட்ட கட்டண தொகையை மட்டுமே மீறாது.

Jodiiயுடன் தொடர்புடைய எந்த தகராறிலும்:

i. குழு வழக்கு (Class Action Suit)

ii. குழு நடுவர் தீர்ப்பு (Class Arbitration)

போன்றவற்றில் நீங்கள் பங்கேற்கமாட்டீர்கள் என்பதை ஒப்புக்கொள்கிறீர்கள்.

நீங்கள் வேறு ஒரு உறுப்பினரைப் பற்றி பொய்யான புகார் அளித்து, அதன் அடிப்படையில் அந்த உறுப்பினரின் ப்ரொபைல் இடைநிறுத்தப்பட்டாலோ அல்லது நீக்கப்பட்டாலோ, Jodii உங்கள்மீது:

i. சிவில் நடவடிக்கை

ii. குற்றவியல் நடவடிக்கை

உள்ளிட்ட சட்ட நடவடிக்கைகளை எடுக்கலாம். மேலும்:

i. உங்கள் ப்ரொபைல் இடைநிறுத்தப்படலாம்

ii. உறுப்பினர் பதிவு நீக்கப்படலாம்

iii. செலுத்திய கட்டணங்கள் பறிமுதல் செய்யப்படலாம்

A. Jodii சேவைகள் மற்றும் இணையதளத்தை நீங்கள் பயன்படுத்துவது முழுமையாக உங்கள் சொந்த பொறுப்பாகும். Jodii சேவைகள் "உள்ளபடியே" (As Is) மற்றும் "கிடைக்கும் நிலையில்" (As Available) வழங்கப்படுகின்றன. சட்டத்தால் அனுமதிக்கப்படும் அதிகபட்ச வரம்பிற்குள், Jodii பின்வருவன தொடர்பாக எந்தவொரு வெளிப்படையான அல்லது மறைமுகமான உத்தரவாதத்தையும் வழங்காது:

i. வணிக பயன்பாட்டிற்கான தகுதி

ii. குறிப்பிட்ட நோக்கத்திற்கு பொருத்தம்

iii. மூன்றாம் தரப்பினரின் உரிமை மீறல் இல்லாமை

மேலும், இணையதளம், செயலி, சர்வர்கள் அல்லது மின்னஞ்சல்கள் வைரஸ் அல்லது பிற தீங்கு விளைவிக்கும் கூறுகள் இல்லாமல் இருக்கும் என்று Jodii உத்தரவாதம் அளிக்காது.

B. Jodii-யில் பதிவு செய்வதாலோ அல்லது அதன் சேவைகளைப் பயன்படுத்துவதாலோ திருமணம் அல்லது திருமண ஒப்பந்தம் உறுதியாகும் என்று எந்தவொரு உத்தரவாதமும் வழங்கப்படவில்லை.

C. பின்வரும் காரணங்களால் ஏற்படும் எந்தவொரு இழப்பிற்கும் Jodii பொறுப்பேற்காது:

i. Jodii, Matrimony.com, கட்டண நுழைவாயில் (Payment Gateway) அல்லது கூட்டாளர் நிறுவனங்களின் செயல்கள் அல்லது செயலற்ற நிலை

ii. நீங்கள் அல்லது உங்கள் சார்பில் வழங்கப்பட்ட தவறான தகவல்கள்

iii. பிற உறுப்பினர்கள் வழங்கிய தகவல்களின் அடிப்படையில் நீங்கள் எடுத்த முடிவுகள்

iv. மூன்றாம் தரப்பினரின் சட்டவிரோத அல்லது அனுமதியற்ற செயல்கள்

v. இணைய குற்றங்கள் (Cyber Crime)

vi. இயற்கை பேரிடர்கள் அல்லது கட்டுப்படுத்த முடியாத சூழ்நிலைகள்

vii. இந்த விதிமுறைகளில் ஏற்கனவே குறிப்பிடப்பட்டுள்ள பிற விஷயங்கள்

viii. ஜாதக பொருத்தம் போன்ற மூன்றாம் தரப்பு சேவைகள்

ix. சந்திப்பு, அழைப்பு, SMS, அரட்டை, மின்னஞ்சல் அல்லது சமூக வலைதள தொடர்புகளின் விளைவுகள்

x. தொலைத்தொடர்பு, மென்பொருள், வன்பொருள் அல்லது நெட்வொர்க் கோளாறுகள்

D. இந்த இணையதளம் மற்றும் செயலியைப் பயன்படுத்துவது முழுமையாக உங்கள் சொந்த பொறுப்பாகும்.

E. செயலியை நிறுவுதல் அல்லது பயன்படுத்துதல் காரணமாக உங்கள் கணினி, மொபைல் அல்லது பிற சாதனங்களில் ஏற்படும் சேதங்களுக்கு Jodii பொறுப்பாகாது.

Jodii சேவைகளை பயன்படுத்துவதன் மூலம், சேவைகளை தவறாக பயன்படுத்தியதன் காரணமாக ஏற்படும்:

i. இழப்புகள்

ii. சேதங்கள்

iii. பொறுப்புகள்

iv. கோரிக்கைகள்

v. வழக்குச் செலவுகள்

ஆகியவற்றிலிருந்து Jodii, அதன் துணை நிறுவனங்கள், இயக்குநர்கள், அதிகாரிகள் மற்றும் ஊழியர்களை பாதுகாக்கவும், இழப்பீடு வழங்கவும் நீங்கள் ஒப்புக்கொள்கிறீர்கள். இந்த பொறுப்பு, உங்கள் உறுப்பினர் பதிவு முடிவடைந்த பின்னரும் தொடரும்.

A. பின்வரும் சூழ்நிலைகளில், Jodii முன் அறிவிப்பின்றி உங்கள் உறுப்பினர் பதிவை இடைநிறுத்தவோ அல்லது நீக்கவோ முடியும்:

i. பிற உறுப்பினர்களிடம் உடல் அல்லது பண உதவிகளை கோருதல்

ii. தவறான தகவல்களை வழங்குதல்

iii. மோசடி அல்லது சட்டவிரோத செயல்களில் ஈடுபடுதல்

iv. விதிமுறைகளை மீறுதல்

v. பிறரின் பெயர், புகைப்படம், மின்னஞ்சல், தொலைபேசி எண் போன்ற தகவல்களை அனுமதியின்றி பயன்படுத்துதல்

vi. போலி ப்ரொபைல்களை உருவாக்குதல்

vii. ஊழியர்கள் அல்லது உறுப்பினர்களிடம் ஒழுங்கற்ற முறையில் நடந்து கொள்வது

B. உங்களைப் பற்றிய புகாரின் அடிப்படையில் நல்ல நம்பிக்கையுடன் உங்கள் ப்ரொபைல் இடைநிறுத்தப்பட்டாலோ அல்லது நீக்கப்பட்டாலோ, அதனால் ஏற்படும் எந்தவொரு இழப்பிற்கும் Jodii பொறுப்பாகாது.

C. இந்த விதிமுறைகளில் வேறு விதமாக குறிப்பிடப்படாத வரை, Jodii அல்லது நீங்கள் 7 நாட்கள் எழுத்துப்பூர்வ அறிவிப்பு வழங்கி உறுப்பினர் பதிவை நிறுத்தலாம். அவ்வாறு நிறுத்தப்பட்டால், ஏற்கனவே செலுத்திய கட்டணங்கள் திருப்பி வழங்கப்படமாட்டாது.

D. உறுப்பினர் பதிவு முடிவடைந்தவுடன்:

i. இணையதளம் மற்றும் செயலியை பயன்படுத்தும் உரிமை உடனடியாக நிறுத்தப்படும்.

ii. பொறுப்புத் துறப்பு, இழப்பீடு மற்றும் பொறுப்பு வரம்பு போன்ற பிரிவுகள் தொடர்ந்து அமலில் இருக்கும்.

A. Jodii உறுப்பினர் பதிவு மற்றும் அனைத்து சேவைகளும் சென்னை, இந்தியாவின் அதிகார வரம்பிற்குள் மேற்கொள்ளப்பட்டதாக கருதப்படும்.

B. இந்த விதிமுறைகள் தொடர்பான அனைத்து தகராறுகளும் இந்திய சட்டங்களின் கீழ் தீர்க்கப்படும். அத்தகைய வழக்குகளுக்கான முழு அதிகாரமும் சென்னை, தமிழ்நாடு நீதிமன்றங்களுக்கே உண்டு.

A. பின்வரும் முறைகளில் கட்டணம் செலுத்தலாம்:

i. பணம்

ii. காசோலை

iii. Net Banking

iv. Debit Card

v. Credit Card

vi. PayPal

vii. RTGS

viii. NEFT

அனைத்து கட்டணங்களும் RBI வழிகாட்டுதல்களுக்கு உட்பட்டவை.

கட்டண உறுப்பினர் சேவை செயல்பட:

i. கட்டணம் வெற்றிகரமாக பெறப்பட்டிருக்க வேண்டும்.

ii. புகைப்படம் பதிவேற்றப்படவில்லை என்றால், கட்டணத்திலிருந்து 7 நாட்களுக்குள் புகைப்படம் பதிவேற்றி சரிபார்க்கப்பட வேண்டும்.

iii. உறுப்பினர் காலம், புகைப்படம் சரிபார்க்கப்பட்ட நாளிலோ அல்லது கட்டணத்திலிருந்து 7 நாட்கள் நிறைவடைந்த நாளிலோ (எது முதலில் வருகிறதோ) தொடங்கும்.

உறுப்பினர் கால அளவுகள்:

i. 3 மாத திட்டம் = 90 நாட்கள்

ii. 6 மாத திட்டம் = 180 நாட்கள்

காசோலை அல்லது டிமாண்ட் டிராஃப்ட் திரும்பியால், பொருந்தும் வங்கி கட்டணங்களை உறுப்பினர் செலுத்த வேண்டும்.

B. கிரெடிட் கார்டு, டெபிட் கார்டு மற்றும் பிற கட்டண கருவிகள் மூலம் பணம் பெற, Jodii மூன்றாம் தரப்பு கட்டண நுழைவாயில்களை பயன்படுத்துகிறது.

A. உறுப்பினர் கட்டணம், புதுப்பிப்பு கட்டணம் மற்றும் தானியங்கி புதுப்பிப்பு கட்டணங்கள் பொதுவாக திரும்பப் பெறப்படமாட்டாது.

B. உங்கள் உறுப்பினர் பதிவை வேறு ஒருவருக்கு மாற்றவோ ஒப்படைக்கவோ முடியாது.

C. Jodii சேவைகளுக்காக செலுத்தப்பட்ட தொகையை:

i. வேறு நபருக்கு மாற்ற

ii. வேறு தயாரிப்புகளுக்கு மாற்ற

iii. வேறு சேவைகளுக்கு சரிசெய்ய

முடியாது.

A. அனைத்து கட்டண உறுப்பினர் திட்டங்களும் காலாவதியாகும் முன் தானாக புதுப்பிக்கப்படும்.

B. உறுப்பினர் பதிவு செய்யும் போது, காலாவதியான பிறகு அதே கால அளவிற்கும் கடைசியாக செலுத்திய விலைக்கும் திட்டம் தானாக புதுப்பிக்கப்படும் என்பதை நீங்கள் ஏற்றுக்கொள்கிறீர்கள்.

C. எந்த திட்டத்திற்கும் அதிகபட்ச கால அளவு 12 மாதங்கள் மட்டுமே.

D. தானாக புதுப்பித்தலை விரும்பவில்லை என்றால் இதை ரத்து செய்ய வேண்டும். ரத்து செய்ய மின்னஞ்சல்: support@jodii.com

A. அதிகார வரம்பு

இந்திய சட்டங்களே பொருந்தும்.

B. தகராறுகளுக்கான நடுவர் தீர்ப்பு

தகராறு ஏற்பட்டால், முதலில் பரஸ்பர பேச்சுவார்த்தை மூலம் தீர்வு காண முயற்சிக்க வேண்டும். 30 நாட்களுக்குள் தீர்வு கிடைக்காவிட்டால், Arbitration and Conciliation Act, 1996-ன் படி ஒரே நடுவரால் நடுவர் தீர்ப்பு நடைமுறை மேற்கொள்ளப்படும். நடுவர் தீர்ப்பு நடைபெறும் இடம்: சென்னை, தமிழ்நாடு, இந்தியா.

C. அறிவுசார் சொத்து உரிமைகள் தொடர்பான வழக்குகளுக்கு தனி சட்ட நடைமுறைகள் பயன்படுத்தப்படலாம்.

D. NRI உறுப்பினர்களின் புதுப்பிப்புகள் அப்போதைய விலைக்கு ஏற்ப 3 மாத காலத்திற்கு மட்டுமே செய்யப்படும்.

E. அமல்படுத்துதல்

நடுவர் தீர்ப்பு ஒப்பந்தத்தை அமல்படுத்தும் வழக்குகள் சென்னை நீதிமன்றங்களில் தாக்கல் செய்யப்பட வேண்டும்.

A. Jodii 18 வயது மற்றும் அதற்கு மேற்பட்டவர்களுக்காக மட்டுமே வடிவமைக்கப்பட்டுள்ளது. 18 வயதிற்குக் குறைவானவர்கள் பயன்பாட்டை பயன்படுத்த அனுமதிக்கப்படமாட்டார்கள்.

B. குழந்தைகளை சித்தரிக்கும், ஊக்குவிக்கும் அல்லது சுரண்டும் எந்தவொரு உள்ளடக்கமும் தடைசெய்யப்பட்டுள்ளது. குழந்தைகள் மீதான பாலியல் துஷ்பிரயோகம் தொடர்பான உள்ளடக்கங்கள் (CSAM) பதிவேற்றப்படுவது, பகிரப்படுவது அல்லது பரவுவது தடுக்கப்படுவதற்காக அனைத்து பயனர் உள்ளடக்கங்களும் கண்காணிக்கப்படலாம்.

C. குழந்தைகள் பாதுகாப்பு விதிமுறைகளை மீறும் உள்ளடக்கம் கண்டறியப்பட்டால், உறுப்பினர் பதிவு உடனடியாக இடைநிறுத்தப்படும்.

D. CSAM தொடர்பான புகார்கள் மற்றும் தகவல்களை reportabuse@matrimony.com என்ற மின்னஞ்சல் முகவரிக்கு அனுப்பலாம். மேலும், தேசிய சைபர் குற்ற புகார் தளத்திலும் (https://cybercrime.gov.in) புகார் அளிக்கலாம்.

E. Jodii, குழந்தைகள் பாதுகாப்பு தொடர்பான பொருந்தும் அனைத்து சட்டங்களையும் பின்பற்றுகிறது.

பரிந்துரை இணைப்பை பகிர்வதன் மூலம், மேற்கண்ட அனைத்து விதிமுறைகளையும் நீங்கள் ஏற்றுக்கொள்கிறீர்கள்.